Gudibande : ಗುಡಿಬಂಡೆ ನಗರದ ಸಿವಿಲ್ ಮತ್ತು ಜೆಎಂಎಫ್ ನ್ಯಾಯಾಲಯದಲ್ಲಿ (Civil & JMFC Court) ತಾಲ್ಲೂಕು ಕಾನೂನು ಸೇವಾ ಸಮಿತಿಯಿಂದ ನಡೆದ ರಾಷ್ಟ್ರೀಯ ಗ್ರಾಹಕರ ದಿನಾಚರಣೆ (National Consumer Rights Day) ಕಾರ್ಯಕ್ರಮವನ್ನು ನ್ಯಾ.ಆರ್.ಶಿವಕುಮಾರ್ ಉದ್ಘಾಟಿಸಿದರು.
ಗ್ರಾಹಕರು ಮಾರುಕಟ್ಟೆಯಲ್ಲಿ ವಸ್ತುಗಳನ್ನು ಖರೀದಿಸುವಾಗ ಎಚ್ಚರಿಕೆಯಿಂದ ವ್ಯವಹಾರ ಮಾಡಬೇಕು. ಈ ಮಧ್ಯೆ ಕಲಬೆರಕೆ ಆಹಾರ, ಗುಣಮಟ್ಟದ ವಸ್ತುಗಳ ಹೆಸರಿನಲ್ಲಿ ಮೋಸ ಮಾಡುವುದು ಪ್ರತಿನಿತ್ಯ ನಡೆಯುತ್ತಿದೆ. ಗ್ರಾಹಕ ಶಿಕ್ಷಣ, ಜಾಗೃತಿಯಿಂದ ಮಾತ್ರ ಈ ವಂಚನೆಗೆ ಕಡಿವಾಣ ಹಾಕಬಹುದು ಎಂದು ಜಿಲ್ಲಾ ಸರ್ಕಾರಿ ವಕೀಲ ಪ್ರಕಾಶ್ ಹೇಳಿದರು.
ಕಾರ್ಯಕ್ರಮದಲ್ಲಿ ನ್ಯಾಯಾಧೀಶ ಆರ್.ಶಿವಕುಮಾರ್, ಹಿರಿಯ ವಕೀಲ ಲಕ್ಷ್ಮೀನಾರಾಯಣ, ವಕೀಲರಾದ ನರೇಂದ್ರ, ಲಕ್ಷ್ಮೀ, ಬಾಬು, ಮಹೇಶ್, ಮಂಜುನಾಥ, ರಾಮಚಂದ್ರ, ಮತ್ತಿತರರು ಭಾಗಿಯಾಗಿದ್ದರು.
