Idludu, Sidlaghatta : ಶಿಡ್ಲಘಟ್ಟ ತಾಲ್ಲೂಕಿನ ಇದ್ಲೂಡು ಗ್ರಾಮದ ವೇಣು ಅವರಿಗೆ ಸೇರಿರುವ ಗೋಡಂಬಿ ತೋಟಕ್ಕೆ ಸೋಮವಾರ ಬೆಂಕಿ ಮೂರು ಎಕರೆ ತೋಟದಲ್ಲಿ ಒಂದು ಎಕರೆಯಷ್ಟು ಸುಟ್ಟಿದ್ದು, ಲಕ್ಷಾಂತರ ರೂಪಾಯಿಗಳಷ್ಟು ನಷ್ಟವಾಗಿದೆ.
ಬೇಸಿಗೆಯ ಬಿಸಿ ಏರುತ್ತಿದ್ದು, ತಾಲ್ಲೂಕಿನ ಹಲವಾರು ಕಡೆ ಈ ರೀತಿಯ ಬೆಂಕಿ ಬೀಳುವ ಅವಘಡಗಳು ನಡೆಯುತ್ತಿವೆ. ತರಗೆಲೆಗಳು, ಒಣಗಿದ ಪೊದೆ ಕಡ್ಡಿಗಳು ತೋಟದಲ್ಲಿ ಬಿದ್ದಿರುತ್ತವೆ. ಸಣ್ಣ ಕಿಡಿ ತಾಕಿದರೂ ಸಾಕು ಬೆಂಕಿ ಹೊತ್ತು ಉರಿಯುತ್ತದೆ.
ಅಗ್ನಿಶಾಮಕ ದಳದ ಇಲಾಖೆಯ ಸಿಬ್ಬಂದಿಗೆ ಈಗ ಪ್ರತಿ ದಿನವೂ ಕೆಲಸವಿರುತ್ತದೆ. ಒಂದಲ್ಲ ಒಂದು ಕಡೆ ಬೆಂಕಿ ಬಿದ್ದ ಸುದ್ದಿ ಅವರಿಗೆ ತಲುಪಿ, ಬೆಂಕಿ ನಂದಿಸುವ ಕಾರ್ಯ ನಡೆಯುತ್ತಿರುತ್ತದೆ.
ಕಿಡಿಗೇಡಿಗಳ ಕೃತ್ಯವೋ ಅಥವಾ ಆಕಸ್ಮಿಕ ಘಟನೆಯೋ, ಒಟ್ಟಾರೆ ಬೆಂಕಿಯ ಅನಾಹುತದಿಂದ ತಾಲ್ಲೂಕಿನ ಹಲವಾರು ರೈತರು ಬೆಳೆದು ನಿಂತ ಫಸಲನ್ನು ಕಳೆದುಕೊಂಡು, ಅಪಾರ ನಷ್ಟವನ್ನು ಅನುಭವಿಸುತ್ತಿದ್ದಾರೆ.
