ಗ್ರಾಮ ಪಂಚಾಯಿತಿ ಉಪ ಚುನಾವಣೆ

Sidlaghatta : ಶಿಡ್ಲಘಟ್ಟ ತಾಲ್ಲೂಕಿನ H Cross(ಕುಂಭಿಗಾನಹಳ್ಳಿ) ಗ್ರಾಮ ಪಂಚಾಯಿತಿಯ ಕಾಳನಾಯಕನಹಳ್ಳಿ (Kalanayakanahalli) ಹಾಗೂ ಮಳ್ಳೂರು-2 (Mallur) ಗ್ರಾಮದ ಗ್ರಾಮ ಪಂಚಾಯಿತಿ ಕ್ಷೇತ್ರಗಳಿಗೆ ಸೋಮವಾರ ಉಪ ಚುನಾವಣೆ ನಡೆಯಿತು.

ಕಾಳನಾಯಕನಹಳ್ಳಿಯಲ್ಲಿ 499 ಮತದಾರರ ಪೈಕಿ 446 ಮಂದಿ ಮತ ಚಲಾಯಿಸಿದ್ದು 89.37% ರಷ್ಟು ಮತದಾನ ನಡೆಯಿತು.

ಮಳ್ಳೂರಲ್ಲಿ  1273 ಮಂದಿ ಮತದಾರರ ಪೈಕಿ 975 ಮತದಾರರು ಮತ ಚಲಾಯಿಸಿದ್ದು 76.9% ರಷ್ಟು ಮತದಾನ ನಡೆದಿದೆ.

ಕಾಳನಾಯಕನಹಳ್ಳಿಯ ಗ್ರಾಮ ಪಂಚಾಯಿತಿ ಸದಸ್ಯ ಕೆ.ಎಸ್.ರಾಜಣ್ಣ ಅವರು ಕೋವಿಡ್‌ಗೆ ತುತ್ತಾಗಿ ಮೃತಪಟ್ಟಿದ್ದರೆ, ಮಳ್ಳೂರು-2 ಗ್ರಾಮ ಪಂಚಾಯಿತಿ ಕ್ಷೇತ್ರದಲ್ಲಿ ವಿಜೇತರಾಗಿದ್ದ ರೂಪ ಅವರು ಅಂಗನವಾಡಿ ಕಾರ‍್ಯಕರ್ತೆಯಾಗಿ ಕಾರ‍್ಯನಿರ್ವಹಿಸುತ್ತಿದ್ದು ಗ್ರಾಮ ಪಂಚಾಯಿತಿ ಸದಸ್ಯ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದರಿಂದ ಎರಡೂ ಸ್ಥಾನಗಳಿಗೂ ಚುನಾವಣೆ ನಡೆದಿದೆ.

ಕಾಳನಾಯಕನಹಳ್ಳಿ ಗ್ರಾಮ ಪಂಚಾಯಿತಿ ಕ್ಷೇತ್ರದ ಚುನಾವಣಾಕಾರಿಯಾಗಿ ಎಚ್.ಸಿ.ಮುನಿರಾಜು ಹಾಗೂ ಮಳ್ಳೂರು-2 ಕ್ಷೇತ್ರದ ಚುನಾವಣಾಕಾರಿಯಾಗಿ ಡಿ.ಲಕ್ಷ್ಮಯ್ಯ ಕಾರ‍್ಯನಿರ್ವಹಿಸಿದರು.

ತಹಶೀಲ್ಧಾರ್ ಬಿ.ಎಸ್.ರಾಜೀವ್ ಅವರು ಎರಡೂ ಮತಗಟ್ಟೆಗಳಿಗೂ ಭೇಟಿ ನೀಡಿ ಪರಿಶೀಲಿಸಿದರು. ಸೂಕ್ತ ಪೊಲೀಸ್ ಬಂದೋಬಸ್ತ್ ಏರ್ಪಡಿಸಲಾಗಿತ್ತು. ಡಿಸೆಂಬರ್ 30 ರಂದು ಗುರುವಾರ ತಾಲ್ಲೂಕು ಕಚೇರಿಯಲ್ಲಿ ಎರಡೂ ಕ್ಷೇತ್ರಗಳ ಮತ ಎಣಿಕೆ ಹಾಗೂ ಫಲಿತಾಂಶ ಘೋಷಣೆ ಆಗಲಿದೆ.

For Daily Updates WhatsApp ‘HI’ to 7406303366