Chintamani : ಚಿಂತಾಮಣಿ ತಾಲ್ಲೂಕಿನ ಕೈವಾರದಲ್ಲಿ (Kaiwara) ಭಾನುವಾರ ಬಾಲಕೃಷ್ಣ ಭಾಗವತರ್, ಬುರ್ರಕಥೆ ಮೂಲಕ ಕೈವಾರ ತಾತಯ್ಯ ಜೀವನ ಚರಿತ್ರೆಯನ್ನು ದೇಶದಾದ್ಯಂತ ಪಸರಿಸುತ್ತಿರುವ ಕಲಾವಿದ ಎ.ಎಲ್.ವೆಂಕಟೇಶ್, ಮಾದಿಗ ದಂಡೋರ ಕಲಾಮಂಡಳಿಯ ತಮಟೆ ಕಲಾವಿದ ಎಂ.ಶ್ಯಾಮರಾಜ್ ಅವರನ್ನು ಸಚಿವ ಕೆ.ಎಚ್.ಮುನಿಯಪ್ಪ ಸನ್ಮಾನಿಸಿದರು (Felicitaton).
ಈ ಸಂದರ್ಭದಲ್ಲಿ ಮಾತನಾಡಿದ ಆಹಾರ ಮತ್ತು ನಾಗರಿಕ ಸರಬರಾಜು ಇಲಾಖೆ ಸಚಿವ ಕೆ.ಎಚ್.ಮುನಿಯಪ್ಪ “ಕಾಂಗ್ರೆಸ್ ಸರ್ಕಾರ ಸುಪ್ರೀಂ ಕೋರ್ಟ್ ಆದೇಶದಂತೆ ರಾಜ್ಯದಲ್ಲಿ ಒಳಮೀಸಲಾತಿ ವರ್ಗೀಕರಣವನ್ನು ಜಾರಿಗೊಳಿಸಲು ಬದ್ಧವಾಗಿದ್ದು ಶೀಘ್ರದಲ್ಲೇ ಮುಖ್ಯಮಂತ್ರಿ ಒಳಮೀಸಲಾತಿ ವರ್ಗೀಕರಣ ಜಾರಿ ಮಾಡಲಿದ್ದಾರೆ” ಎಂದು ತಿಳಿಸಿದರು.
ಕಾರ್ಯಕ್ರಮದಲ್ಲಿ ರಾಜ್ಯ ಮಾದಿಗ ದಂಡೋರದ ರಾಜ್ಯ ಪ್ರಧಾನ ಕಾರ್ಯದರ್ಶಿ ಜಂಗಮಶೀಗೇಹಳ್ಳಿ ದೇವರಾಜ್, ಬಿಎಸ್ಎಸ್‌ ರಾಷ್ಟ್ರೀಯ ಅಧ್ಯಕ್ಷ ಹೂಡಿ ರಾಮಚಂದ್ರ, ರಾಜ್ಯಾಧ್ಯಕ್ಷ ವಿ.ಅಮರ್, ಯೋಗಿನಾರೇಯಣ ಮಠದ ವ್ಯವಸ್ಥಾಪಕ ಕೆ.ಲಕ್ಷ್ಮಿನಾರಾಯಣ, ಆಟೋ ಕೃಷ್ಣ, ಚಲಪತಿ, ಕೋದಂಡ ಭಾಗವಹಿಸಿದ್ದರು.
